प्रस, वीरगंज, ६ मङ्सिर/
वीरगंज महानगरपालिका–१० आदर्शनगर रङ्गशालामा जारी कर्पोरेट सुपर सिक्स क्रिकेट प्रतियोगिता अन्तर्गत बिहीवार सम्पन्न खेलमा ओम्नी ग्रुप विजयी भएको छ ।
आजको खेलमा गरिमा विकास बैंकलाई ३७ रनले हराउँदै ओम्नी विजयी भएकोे हो । पहिले ब्याटिङ गरेको ओम्नीले निर्धारित छ ओभरको खेलमा ७३ रन बनाएको थियो । प्रतिउत्तरमा ७५ रनको विजयी लक्ष्यसहित मैदानमा ओर्लिएको गरिमा विकास बैंक निर्धारित छ ओभरमा सबै विकेट गुमाएर ३६ रनमा सीमित भयो । आजको खेलकोे ‘म्यान अफ दी म्याच’ ओम्नीका रिकेश यादव घोषित भए ।
लायन्स क्लब अफ वीरगंज र स्पोट्र्स एकेडेमीको संयुक्त आयोजनामा आदर्शनगर रङ्गशालामा गत शनिवारदेखि कर्पोरेट सुपर सिक्स क्रिकेट प्रतियोगिता भइरहेको छ ।
