प्रस, वीरगंज, ५ मङ्सिर/
वीरगंज महानगरपालिका–१० आदर्शनगरमा जारी कर्पोरेट सुपर सिक्स क्रिकेट प्रतियोगिता अन्तर्गत बुधवार भएको खेलमा अग्नि ग्रुप विजयी भएको छ । आजको खेलमा अग्नि ग्रुपले ओम्नीलाई ८६ रनले पराजित गरेको छ ।
पहिले ब्याटिङ गर्दै ओम्नीले निर्धारित छ ओभरको खेलमा छ विकेट गुमाएर ११४ रन बनाएको थियो । ११५ रनको विजयी लक्ष्यसहित मैदानमा उत्रिएको ओम्नी ग्रुपले निर्धारित छ ओभरमा सबै विकेट गुमाएर २८ रनमा सीमित भयो । आजको खेलमा अग्नि ग्रुपका सुवास कुमार ‘म्यान अफ दी म्याच’ घोषित भए ।
त्यस्तै, हिजो मङ्गलवार भएको खेलमा अग्नि ग्रुप विजयी भएको छ । अग्नि र सुप्रिमबीच आदर्शनगर रङ्गशालामा भएको खेलमा अग्नि ११ रनले विजयी भएको हो । पहिले ब्याटिङ गर्दै अग्निले ६३ रन बनाएको थियो । ६४ रनको लक्ष्य पछ्याएको सुप्रिम ५२ रनमा समेटिएको थियो । यस खेलको ‘म्यान अफ दी म्याच’ अग्निका विक्रम घोषित भए ।
लायन्स क्लब अफ वीरगंज र स्पोट्र्स एकेडेमीको संयुक्त आयोजनामा कर्पोरेट सुपर सिक्स क्रिकेट प्रतियोगिता गत शनिवार मङ्सिर १ गतेदेखि सञ्चालनमा छ ।
