१० कट्ठामा लगाइएको गाँजाखेती नष्ट

प्रस, पोखरिया, ४ मङ्सिर/
सशस्त्र प्रहरी बेस, जीराभवानी र इलाका प्रहरी कार्यालय, सेढवाको संयुक्त टोलीले मङ्गलवार जीराभवानी गाउँपालिका–३ शहनाजपुरमा गाँजाखेती नष्ट गरेको छ ।

सशस्त्र प्रहरी निरीक्षक नरेन्द्र विष्ट र वरिष्ठ प्रहरी नायब निरीक्षक रामराज्य यादव नेतृत्वको टोलीले जीराभवानी गापा–३ शहनाजपुरमा बगैंचा र खरले घेरेर १० कट्ठा जग्गामा गरिएको गाँजाखेती नष्ट गरेको हो । सप्रनि विष्टले गाँजाखेती भएको जग्गाको धनीको खोजी कार्य भइरहेको बताए ।