रक्सौलकी गुप्ता बिहार यू–१५ की उपकप्तान

प्रस, रक्सौल, ३ मङ्सिर/
छिमेकी भारत रक्सौलकी अक्षरा गुप्ता बिहार यू–१५ की उपकप्तान घोषित भएकी छन् ।

भारतीय क्रिकेट कन्ट्रोल बोर्ड (बिसिसिआई)ले उनलाई बिहार महिला यू–१५ को उपकप्तानको जिम्मेवारी दिंदै शिमोगामा हुने प्रतियोगितामा सहभागी गराएको छ । शिमोगामा हुने महिला यू–१५ मा सहभागिता जनाउन रक्सौलकी गुप्ता त्यसतर्फ प्रस्थान गरिसकेकी छन् ।

रक्सौलवासीहरूले उनको सफलताको कामनासहित देशको नाम अन्तर्राष्ट्रियस्तरमा फैलाउन शुभकामना दिएका छन् ।