प्रस, पर्सागढी, २७ कात्तिक/
पर्सागढी नगरपालिका–३ झबराहाको मिनी खेलमैदानमा जारी प्रथम बिरुवागुठी नकआउट फूटबल प्रतियोगिता अन्तर्गत मङ्गलवार भएको खेलमा नमोबुद्ध युवा क्लब, झबराहा विजयी भएको छ ।
आज भएको खेलमा मध्यान्तर अघि झबराहा र निजगढ युनाइटेड क्लबले दुई/दुई गोलको बराबरी खेलेका थिए । मध्यान्तरपछिको खेल गोलरहित भएकोले टाइब्रेकरबाट निर्णय लिइएको थियो । टाइब्रेकरमा नमोबुद्धले चार र निजगढ युनाइटेडले दुई गोल गरेका थिए । खेलको ‘म्यान अफ दी म्याच’ नमोबुद्धका चाइनिज माझी घोषित भएको सूचना प्रसारण प्रमुख कृष्ण शर्माले बताए ।
उनले भोलि बुधवारदेखि सेमिफाइनल चरणको खेल हुने र पहिलो सेमिफाइनलमा रतनपुर युनाइटेड क्लब र सिमरा युनाइटेड क्लब भिड्ने बताए ।
