प्रस, वीरगंज, २६ कात्तिक/
मकवानपुरको बुद्ध मावि हात्तीसुढेका प्रधानाध्यापक बाग्मती गाउँपालिका–१ बोटगाउँ निवासी प्रेमबहादुर बमजनमाथि आइतवार गोली प्रहार भएको छ ।
रौतहटको गोआटारमा आफन्तसँग भेट गरेर घर जाने क्रममा सर्लाही–सिन्धुलीको सीमामा पर्ने बाग्मती नदी किनारमा उनीमाथि हिजो गोली प्रहार भएको हो । उनको गालामा गोली लागेको र उपचारको लागि वीरगंज पठाइएको इलाका प्रहरी कार्यालय, कर्मैयाका प्रहरी सहायक निरीक्षक कमलबहादुर शाहीले बताए ।
प्रारम्भिक अनुसन्धानमा बा.४प ६६४६ नम्बरको मोटरसाइकलमा सवार अज्ञात तीनजनाको समूहले गोली प्रहार गरी फरार भएको थियो ।
प्रहरीले घटनामा संलग्नहरूको खोजी भइरहेको र तत्काल गोलीकाण्डबारे थप जानकारी प्राप्त नभएको जनाएको छ ।
