प्रस, वीरगंज ६ कात्तिक/
सिरडी साइँबाबा मन्दिर सेवा ट्रस्टले छैटौं वार्षिकोत्सवको अवसरमा मङ्गलवार शोभायात्रा निकालेको छ ।
गीतामन्दिरस्थित सिरडी साइँबाबा मन्दिरबाट निस्किएको शोभायात्राले नगरपरिक्रमा गरेको थियो । शोभायात्रापछि पूजाआजा र दिउँसो भण्डारा तथा महाप्रसाद वितरण गरिएको सिरडी साइँबाबा मन्दिर सेवा ट्रस्टका अध्यक्ष हीरा साह कानूले बताए ।
मन्दिरका प्रमुख संरक्षक नीरजकुमार सर्राफले यस वर्षको उत्सव विशेषरूपमा भक्तजन एवं श्रद्धालुहरूका लागि समर्पित गरिएको बताएका छन् । प्रत्येक वर्ष वार्षिकोत्सवको अवसरमा शोभायात्रासहित पूजाअर्चना हुँदै आएको छ । वार्षिकोत्सवको अवसरमा ट्रस्टका संरक्षक सर्राफ र रेखादेवी सर्राफलाई सम्मानित गरिएको थियो । सर्राफ परिवारले नै सो मन्दिर निर्माण गरेको हो ।
