प्रस, पोखरिया, ३ कात्तिक/
सखुवाप्रसौनी गाउँपालिकामा शनिवारदेखि तेस्रो सखुवाप्रसौनी क्रिकेट प्रतियोगिता शुरू भएको छ ।
सखुवाप्रसौनी युवा समाजको आयोजनामा सञ्चालित प्रतियोगिताको उद्घाटन गापाध्यक्ष यशवन्त यादवले गरेका थिए । उनले खेल र खेलाडीको हकहितमा आफू एकदम अघि बढेर कार्य गर्दै आएको दाबी गरे । उनले खेलाडीहरूलाई प्रोत्साहित पार्नका लागि प्रतियोगितालाई निरन्तरता प्रदान गर्दै आएको बताए । उनले खेल र खेलाडीहरूको लागि आवश्यक सामग्रीहरू आफूले पालिकाबाट उपलब्ध गराउने बताए । उनले खेलाडीहरूलाई दत्तचित्त भएर खेल्न सुझाए ।
उद्घाटन समारोहमा वडाध्यक्ष चिरञ्जीवी महतो थारू, वासुदेव महतो, स्थानीयवासी अनिरुद्ध पटेल, पूर्णवासी पटेल, शङ्कर चौधरी, रामनाथ दास थारू, चन्दन सहनीलगायतको सहभागिता थियो ।
आज भएको उद्घाटन खेलमा अपौनीले परवानीपुरलाई ८० रनअन्तरले पराजित ग¥यो । भोलि आइतवार आयोजक सखुवाप्रसौनी र छिपहरमाईबीच हुने चन्दन सहनीले बताए ।
