घुमुवा प्रहरी भनेर ठगी गर्ने पक्राउ

प्रस, रौतहट, २९ असोज/
घुमुवा प्रहरी भनेर ठगी गर्दै हिंड्ने एकजना युवकलाई रौतहट प्रहरीले पक्राउ गरेको छ । आफूलाई घुुमुवा प्रहरी भनेर विभिन्न व्यक्तिहरूलाई ठगी गरेको आरोपमा परोहा नपा–२ बस्ने ३५ वर्षीय सुनीलकुमार बैठालाई पक्राउ गरिएको जिप्रका, रौतहटले जनाएको छ ।

मोटरसाइकलमा सवार बैठालाई लालबकैया पुलबाट पक्राउ गरिएको हो । उनीबाट केही नगद, लागूऔषध नाइट्रोभेट ट्याब्लेट १० थान र २०० ग्राम गाँजा पनि बरामद भएको प्रहरीले जनाएको छ ।