प्रस, वीरगंज, २९ भदौ/
अखिल नेपाल किसान महासङ्घ पर्साको अध्यक्षमा राजकुमार सिंह सर्वसम्मत निर्वाचित भएका
छन् ।
शनिवार एमाले पर्साको पार्टी कार्यालय मनमोहननगरमा आयोजित अधिवेशनको बन्दसत्रले सिंहलाई सर्वसम्मत अध्यक्षमा चयन गरेको हो । उनको अध्यक्षतामा अधिवेशनको बन्दसत्रले ३५ सदस्यीय जिल्ला कमिटी गठन गरेको छ ।
यस अघि अधिवेशनको एमाले पर्साका अध्यक्ष डा विश्वम्भर शर्माले उद्घाटन गरेका थिए । किसान महासङ्घ पर्साका संयोजक सिंहको अध्यक्षतामा भएको उद्घाटन समारोहमा केन्द्रीय सचिव उमेश गुप्ता, एमाले पर्साका सचिव महेश दास, रमिला खातुन, खुर्रम आलम, मनोज कुशवाहा, अमल यादवलगायतले अधिवेशन सफलताको लागि शुभकामना व्यक्त गरेका थिए ।
