तेक्वान्डो खेलाडी गुभाजुलाई सम्मान

प्रस, वीरगंज, २७ भदौ/
वीरगंज महानगरका प्रमुख राजेशमान सिंहले वीरगंजका तेक्वान्डो खेलाडी सागर गुभाजुलाई बिहीवार सम्मान गरेका छन् ।

वीरगंज महानगरपालिका निवासी गुभाजुले तेक्वान्दो खेलमा नेपालको राष्ट्रिय टीमबाट अन्तर्राष्ट्रियस्तरमा सहभागी भएर विभिन्न देशमा खेल खेलेका र स्वर्णलगायतका पदक हासिल गरेकामा आज उनलाई आफ्नै कार्यालयमा सम्मानित गरेका हुन् । नगरप्रमुख सिंहले खादा ओढाएर प्रमाणपत्रसहित खेलाडी गुभाजुलाई सम्मान गर्दै खेलमा अझै प्रगति गरेर वीरगंज र देशको नाम विदेशमा फैलाउन शुभकामना दिएका थिए ।