माधव तिमिल्सिना, ठोरी, १० भदौ/
अनेरास्ववियु (क्रान्तिकारी) को दोस्रो जीराभवानी गाउँपालिका सम्मेलन सम्पन्न भएको छ । सोमवर जीराभवानी गापा–५ सखुवनियामा पहिलोपटक पालिकाका विद्यार्थी सङ्गठनमा महिला नेतृत्वलाई अघि सार्दै सम्मेलन सम्पन्न भएको सङ्गठनका केन्द्रीय सदस्य लहवर रामले बताए । उनकै अध्यक्षतामा सम्पन्न सम्मेलनले सुरुती चौधरीको अध्यक्षतामा २१ सदस्यीय अखिल क्रान्तिकारी जीराभवानी गापा कमिटी गठन गरेको छ ।
अनेरास्ववियु (क्रान्तिकारी)का उपमहासचिव प्रभाकर गुप्ताको प्रमुख आतिथ्यमा सम्पन्न सम्मेलनले चौधरीको अध्यक्षतामा गठन गरेको कमिटीमा उपाध्यक्ष राजकुमार साह, सचिव सन्दीप महतो, सहसचिव शर्मा मुखिया बिन र कोषाध्यक्ष सकिना गौरो सर्वसम्मत चयन भएका छन् ।
सम्मेलनमा माओवादी केन्द्र जीराभवानी गापा अध्यक्ष रामाकान्तप्रसाद चौधरी, क्रान्तिकारीका पर्सा अध्यक्ष कविराज पटेल, केन्द्रीय सदस्य सन्दीप विक्रम शाह, अनिश पटेललगायतले शुभकामना व्यक्त गरेका थिए ।
