तिलावे नदीमा बेपत्ता समीरको शव भेटियो

प्रस, वीरगंज, ९ भदौ/
बहुदरमाई नगरपालिकास्थित तिलावे नदीमा नुहाउन जाँदा हिजो दिउँसोदेखि हराएका समीर देवानको शव आइतवार मृत अवस्थामा भेटिएको छ । समीरको शव उनी नुहाउन गएको स्थानदेखि करीब पाँच सय मिटर टाढा भेटिएको सशस्त्र प्रहरी निरीक्षक विकाश अधिकारीले बताए । हिजोदेखि बेपत्ता समीरलाई सशस्त्र प्रहरीको टोलीले खोजतलाश गरिरहेको थियो ।

समीर बहुदरमाई नगरपालिका–२ निवासी असलम देवानका छोरा हुन् । उनीसमेत शनिवार तिलावे नदीमा तीनजना पौडी खेल्न गएका थिए ।