प्रस, वीरगंज, ४ भदौ/
मोटरसाइकल र टेम्पो ठोकिंदा एकजनाको मृत्यु भएको छ भने तीनजना घाइते भएका छन्।
कलैयाबाट धर्मनगर जाँदै गरेको ना ५४ प ४७४८ नम्बरको मोटरसाइकल र विपरीत दिशाबाट आउँदै गरेको ना २ ह ५३७२ नम्बरको टेम्पो ठोकिएका थिए।
दुर्घटनामा मोटरसाइकल चालक कलैया उपमहानगरपालिका–१२ धर्मनगरका २४ वर्षीय रमाकान्त पटेलको मृत्यु भएको जिल्ला प्रहरी कार्यालय, बाराका प्रवक्ता एवं प्रहरी नायब उपरीक्षक प्रकाश सापकोटाले बताए।
मोटरसाइकलमा सवार अन्य तीनजना सामान्य घाइते भएका छन्। मोटरसाइकलमा चारजना सवार भएकाले दुर्घटना भएको प्रवक्ता सापकोटाले बताए।
