प्रस, परवानीपुर, ३ भदौ/
बारा, परसौनी गाउँपालिका–१ नकटुवामा बिराट दङ्गल कुश्ती प्रतियोगिता सम्पन्न भएको छ ।
वडा नं १ को वडा कार्यालयबाट आयोजना भएको सो प्रतियोगितामा नेपाल–भारतका नामुद पहलवानहरूले कुश्ती प्रदर्शन गरेका छन् । हरेक वर्ष रक्ष्Fाबन्धनको अवसरमा स्वास्थ्यचौकी नकटुवा परिसरमा आयोजना हुँदै आएको महाविरी झन्डा मेलाका दिन सो कुश्ती प्रतियोगिता आयोजना हुँदै आएको छ ।
एक नम्बरका अध्यक्ष लालबाबू मुखिया बिनको अध्यक्ष्Fतामा भएको कार्यक्रमको प्रमुख अतिथि परसौनी गापाका अध्यक्ष विनोद जयसवाल, उपाध्यक्ष किरण देवी, ३ नं का अध्यक्ष छोटेलाल साह कानू, ४ का अध्यक्ष याकुब अन्सारी, ७ का अध्यक्ष इस्लाम मियाँलगायतले शुभकामना मन्तव्य व्यक्त गरेका थिए ।
कुश्ती तराई मधेसको एउटा पारम्परिक खेल भएकोले गाउँघरमा यसको रोमाञ्च अत्यधिक हुने हुँदा कुश्ती आयोजना गरिएको बताइएको छ । कुश्तीमा पर्सा, बारा, नवलपरासी, रूपन्देही, रौतहट, धनुषा, भारत बिहारको पटना, युपी, दिल्ली, पञ्जाबलगायत राज्यका ६० भन्दा बढी पहलवानको ३० भन्दा बढी जोड कुश्ती भएको थियो ।
