प्रस, वीरगंज, २६ साउन/
नेपाल प्रहरी श्रीमती सङ्घको ४०औं वार्षिकोत्सवको अवसरमा सोमवार वीरगंजस्थित गहवामाई मन्दिर परिसरमा सफाइ गरिएको छ ।
सामुदाय–प्रहरी साझेदार कार्यक्रम अन्तर्गत वार्षिकोत्सवको अवसरमा जिल्ला प्रहरी कार्यालय पर्सा, ग्रीनसिटी सामुदायिक सेवा केन्द्रको आयोजनामा सफाइ कार्य गरिएको थियो । कार्यक्रममा प्रहरी उपरीक्षक कुमोध ढुङ्गेल, ग्रीनसिटीका जयप्रकाश खेतान, प्रहरी निरीक्षक रोशन थापा, वीरगंज महानगका सरसफाइ अधिकृत सर्फुद्दीन मियाँ, प्रनानि राजाराम यादव, रूँगटा वेलफेयर सोसाइटीका अध्यक्ष सुरेश रूङ्गटा, सामुदायिक सेवा केन्द्र माईस्थानका ग्याँसु मियाँ ठकुराई, प्रसनि मीना बडाललगायतको सहभागिता थियो ।
