काठमाडौं, २७ साउन/रासस
पेरिस ओलम्पिक–२०२४ अन्तर्गत महिला म्याराथन विधामा नेपाली धाविका सन्तोषी श्रेष्ठले ७९औं स्थान हासिल गरेकी छन् ।
फ्रान्सको राजधानी पेरिसमा आइतवार सम्पन्न स्पर्धामा सन्तोषीले निर्धारित दूरी दुई घण्टा ५५ मिनेट छ सेकेन्डको समय लगाउँँदै पूरा गरिन् । ‘वाइल्ड कार्ड’मार्पmत उनले पहिलोपटक ओलम्पिकमा सहभागिता जनाएकी हुन् । महिला म्याराथनमा ९२ धाविकाले प्रतिस्पर्धा गरेका थिए ।
उक्त विधाको उपाधि भने नेदरल्यान्ड्सकी सिफान हसनले जितेकी छन् । उनले निर्धारित दूरी दुई घण्टा २२ मिनेट ५५ सेकेन्डमा पूरा गरिन् । यस्तै, दुई घण्टा २२ मिनेट ५८ सेकेन्ड लगाएकी इथियोपियाकी असिफा दोस्रो भइन् । केन्याकी ओबिरीले तेस्रो स्थान प्राप्त गरिन् । उनले सो दूरी दुई घण्टा २३ मिनेट १३ सेकेन्डमा पूरा गरिन् ।
यससँगै ओलम्पिकमा नेपाली खेलाडीको चुनौती सकिएको छ । यस अघि टेबलटेनिसका स्यान्टु श्रेष्ठ, सुटिड्ढी सुस्मिता नेपाल, पौडीका डुवाना लामा र एलेक्सजेन्डर शाह, जुडोकी मनीता श्रेष्ठ प्रधान तथा ब्याडमिन्टनका प्रिन्स दाहाल ओलम्पिकबाट बाहिरिसकेका छन् ।
