प्रस, परवानीपुर, ८ साउन/
रोटरी क्लब अफ वीरगंज मेट्रोपोलिसको अध्यक्षमा अनिल जायसवाल निर्वाचित भएका छन् । सन् २०२४/२५ को लागि हिजो सोमवार आयोजित नवनिर्वाचित पदाधिकारीहरूको पदस्थापन समारोहमा जायसवालले अध्यक्षको जिम्मेवारी सम्हालेका हुन् ।
यसैगरी, सचिव हरिओम साह, प्रेसिडेन्ट इलेक्टमा सञ्जय जोशी, प्रेसिडेन्ट नोमिनीमा राजकिशोरप्रसाद कलवारलगायत २२ सदस्यीय नयाँ कार्यसमितिले पदभार सम्हालेको छ ।
क्लबका निवर्तमान अध्यक्ष हरिगोपाल श्रेष्ठको अध्यक्षतामा सम्पन्न कार्यक्रममा रोटरी क्लब अफ नेपाल–भुटान–३२९२ डिस्ट्रिक्टका पूर्वगभर्नर सञ्जय गिरी, सन्तोष रिजाल, गभर्नर नोमिनी विष्णुबहादुर कार्की, रोट्र्याक्ट क्लब अफ वीरगंज मेट्रोपोलिस, इन्ट्रा क्लब अफ गौतम र डिएभीलगायत क्लबका पदाधिकारीहरूको सहभागिता थियो ।
कार्यक्रममा प्रमुख अतिथि डिस्ट्रिक्ट इलेक्ट गभर्नर विनोद कोइराला, नेपाली सेना २८ नं वाहिनी जीतपुरका ब्रिगेडियर जेनरल राजेन्द्रमणि, पूर्वअध्यक्ष जगदीशप्रसणद शर्मालगायतले क्लबको सफलताको लागि शुभकामना व्यक्त गरेका थिए । कार्यक्रमको सहजीकरण रोट्र्याक्ट क्लब अफ वीरगंजकी सलोनी रौनियारले गरेकी थिइन् ।
२००३ देखि वीरगंजमा यो क्लब सामाजिक क्षेत्रमा कार्य गर्दै आइरहेको छ । नवनिर्वाचित अध्यक्ष जायसवाल विगत आठ वर्षदेखि क्लबमा सक्रिय छन् । उनले एक वर्षे कार्यकालमा विभिन्न योजना अन्तर्गत कार्य गर्ने बताए ।
