प्रस, वीरगंज, ६ साउन/
गुरुपूर्णिमाको अवसरमा वीरगंज महानगरपालिका, साहिब दरबार र ग्रीनसिटी सामुदायिक प्रहरी सेवा केन्द्रले वीरगंजको अशोकवाटिकास्थित श्मशानघाट परिसरमा वृक्षारोपण गरेको छ। कार्यक्रममा नगरप्रमुख राजेशमान सिंहले श्मशानघाट परिसर हरियाली पार्कसहितको मनोरम बनाउन वृक्षारोपण गरिएको बताए।
उनले वीमनपाले श्मशानघाट परिसरमा हरियालीसहित सौन्दर्यीकरणको काम गरिरहेको बताए। कार्यक्रममा २३५ वटा विभिन्न प्रजातिका बिरुवा रोपिएका थिए।
यसैगरी, वीरगंज–२१ परवानीपुरस्थित श्मशानघाट परिसरमा पनि वृक्षारोपण गरिएको छ। वृक्षारोपण गर्दै महानगर प्रमुख सिंहले खाली जग्गा तथा घर वरपर हरियाली बनाउन सबैलाई एउटा बोट रोप्न आह्वान गरेका छन्।
