प्रस, पोखरिया, २६ असार/
पोखरिया नगरपालिकाले विद्यालयस्तरीय एक दिने खेलकूद प्रतियोगिता मङ्गलवार पोखरियामा सम्पन्न गरेको छ। कबड्डी, सय र दुर्ई सय मिटरको दौड, म्युजिकल चेयर, चम्चा रेसलगायत प्रतियोगिता भएको थियो।
फूटबलको पहिलो खेलमा प्रअ र शिक्षकबीच भएको प्रतियोगितामा शिक्षकको टीम विजयी भएको थियो। शिक्षकको टीम प्रअ टीमलाई एक गोल गरी विजयी भएको थियो।
त्यस्तै दोस्रो फूटबल खेलमा जिल्ला उच्चाङ्गल रामदेव कलवार मावि विजयी भएको थियो।
कबड्डी प्रतियोगितामा आधारभूत विद्यालय र तीनवटा मावि विद्यालय प्रथम भएका थिए। खेलमा प्रथम, द्वितीय, तृतीय हुनेलाई शिल्ड, मेडल र कपबाट सम्मानित गरिएको थियो।
पोखरिया नपा शिक्षा शाखा प्रमुख विजय झाको अध्यक्षतामा भएको कार्यक्रममा उपप्रमुख रूबी ठाकुर, वडाध्यक्ष, शिक्षक, विद्याथीलगायतको सहभागिता थियो। प्रतियोगितामा पालिकाभरिका २५ वटा विद्यालयले भाग लिएका थिए।
