काठमाडौं, १३ असार/रासस
अफगानिस्तानलाई पराजित गर्दै दक्षिण अफ्रिका टी–२० विश्वकप क्रिकेटको फाइनमा पुगेको छ।
ट्रिनिडाड एन्ड टोबागोको टरौबामा बिहीवार भएको पहिलो सेमिफाइनल खेलमा दक्षिण अफ्रिकाले अफगानिस्तानलाई नौ विकेटले पराजित गर्दै विश्वकप क्रिकेट प्रतियोगिताको फाइनलमा पुगेको हो।
टस जितेर पहिला ब्याटिङ रोजेको अफगानिस्तानले दक्षिण अफ्रिकालाई ५७ रनको लक्ष्य दिएको थियो। जवाफमा दक्षिण अफ्रिकाले ८.५ ओभरमा एक विकेट गुमाएर लक्ष्य पूरा गरेको थियो। दक्षिण अफ्रिकाको लागि रिजा हेन्ड्रिकसले सर्वाधिक २९ रनको योगदान दिए भने कप्तान ऐडन मारक्रमले २३ रन बनाए।
अफगानिस्तानका लागि अजमतुल्लाह ओमाजाईले १० रन बनाउनुबाहेक अन्य खेलाडीले दोहोरो अङ्कमा रन बनाउन सकेनन्।
