प्रस, वीरगंज, २ असार/
बङ्गलादेशमा सम्पन्न प्रथम बङ्गलादेश कप अन्तर्राष्ट्रिय आमन्त्रण तेक्वान्डो प्रतियोगिता–२०२४ मा नेपालका तर्फबाट सहभागी पर्सा तेक्वान्डो एकेडेमीका शेख इरफानले स्वर्णपदक जितेका छन्।
बङ्गलादेशको राजधानी ढाकामा जून ११–१४ सम्म भएको प्रथम बङ्गलादेश कप आमन्त्रण अन्तर्राष्ट्रिय तेक्वान्डो प्रतियोगिता–२०२४ मा नेपालका तर्फबाट पर्सा तेक्वान्डो एकेडेमीका शेख इरफानले स्वर्णपदक जितेको पर्सा तेक्वान्डो एकेडेमीका प्रमुख शेख नाजिरले बताए।
प्रतियोगितामा आयोजक बङ्गलादेशका खेलाडीलाई फाइनलमा पराजित गर्दै शेख इरफानले स्वर्णपदक जितेका थिए। प्रतियोगितामा बङ्गलादेश, नेपाल, भारत, श्रीलङ्का र मालद्वीप्स गरी सार्कका पाँच देशका खेलाडीहरू सहभागी थिए।
