प्रस, वीरगंज, २५ जेठ/
एशियन युथ चेस च्याम्पियनशिपमा सहभागी हुन वीरगंजबाट सनम श्रेष्ठलाई बिहीवार कार्यक्रम आयोजना गरी नगरप्रमुख राजेशमान सिंहले बिदाइ गरेका छन्।
जून ९ देखि २१ तारिखसम्म कजाकिस्तानको अल्माटी शहरमा आयोजना हुने च्याम्पियनशिपमा नेपालबाट प्रतिनिधित्व गर्दै श्रेष्ठ सहभागी हुन लागेकी हुन्।
नगरप्रमुख सिंहले श्रेष्ठलाई खादा र नेपालको राष्ट्रिय झन्डा ओढाएर बिदाइ गरेका थिए। उनले श्रेष्ठलाई सफल भएर आउन शुभकामना दिए। नेपालबाट वीरगंजकी श्रेष्ठ एकल प्रतिनिधिका रूपमा अन्तर्राष्टिय प्रतियोगितामा सहभागी हुन गइरहेकोमा उनले खुशी व्यक्त गरे।
प्रधानाध्यापक श्याम केसीको अध्यक्षतामा भएको कार्यक्रममा वडा सदस्य सञ्जु दाहाल, जसपा वीरगंज महानगरका अध्यक्ष ईश्वचन्द्र यादव, वीरगंज युवा समाजका कमल चौगाईं, विनोद पटेललगायतले श्रेष्ठलाई बिदाइ गरेका थिए।
