बलिराम शुक्ला, बिरुवागुठी, १७ वैशाख/
पर्सागढी नगरपालिका–८ हरपुरमा आयोजित रक्तदान कार्यक्रममा छजना महिलासहित ३० जनाले रक्तदान गरेका छन् ।
सन्त निराकारी मण्डल नेपाल, प्रसौनीभाठा तथा साध सङ्गत हरपुरले आयोजना गरेको रक्तदान कार्यक्रममा ब्रह्मानन्द राम नेपाली, प्रह्लाद यादव, बच्चा साह, नवराज राम, रेखा देवी, मञ्जु देवी, मानवती देवी, प्रविता देवी, सृजना यादव, मनोज हजरा, गोविन्द साहलगायतले रक्तदान गरेको सन्त निरकारी मण्डल नेपालका मुखी मनीलालप्रसाद साहले बताए ।
पर्सागढी नगरपालिका–८ र सृजनात्मक समाज फाउन्डेशन नेपाल पर्साको सहयोगमा आयोजना गरिएको रक्तदान कार्यक्रममा रक्त सञ्चार केन्द्र वीरगंजका प्राविधिक मनीषकुमार साह, अजय साह, आकाश गुप्ता, विनय कुमारलगायतको सहभागिता थियो ।
