बलिराम शुक्ला, बिरुवागुठी, २४ चैत/
वीरगंज महानगरपालिका, पर्सागढी नगरपालिका र सखुवाप्रसौनी गाउँपालिका गरी शनिवार तीन स्थानमा सम्पन्न रक्तदान कार्यक्रममा १५५ जनाले रक्तदान गरेका रक्तसञ्चार केन्द्र वीरगंजका प्राविधिक प्रमुख सौरभराज पाण्डेयले बताए ।
पर्सागढी नपामा पर्सागढी युवा समाजले आयोजना गरेको रक्तदान कार्यक्रममा दुईजना महिलासहित १०६ जनाले रक्तदान गरेका प्राविधिक प्रमुख पाण्डेयले बताए ।
समाजका अध्यक्ष राजेश्वरप्रसाद चौधरीको अध्यक्षता र वडाध्यक्ष सुन्दरीदेवी थरुनीको प्रमुख आतिथ्यमा भएको कार्यक्रममा धर्मेन्द्र महतो, उपेन्द्र दास, मुन्ना चौधरी, विनोद सहनी, बालकिसन महतो, रामकरण चौधरी, अनिल खाँ, ऋषि गौरोलगायतले रक्तदान गरेका थिए ।
यसैगरी, सखुवाप्रसौनी गापामा नेपाल रेडक्रम सोसाइटी महुवन उपशाखाले आयोजना गरेको रक्तदान कार्यक्रममा २७ जनाले रक्तदान गरेका रक्तसञ्चार केन्द्र वीरगंजका प्राविधिक मनीष साहले बताए । कार्यक्रममा ज्योतिलाल साह तेली, लक्ष्मण पटेल, उषा गिरी, सञ्जय गिरी, कुन्दन हजरा, सञ्जय साह कानू, अन्तिमा जयसवाललगायतले रक्तदान गरेका थिए ।
यसैगरी, वीरगंज महानगरपालिका–२१ परवानीपुरमा सानो प्रयासले आयोजना गरेको रक्तदान कार्यक्रममा २२ जनाले रक्तदान गरेका रक्तसञ्चार केन्द्र वीरगंजका प्राविधिक धीरेन्द्र झाले बताए । कार्यक्रममा राधाकृष्ण साह, मनीष गुप्ता, विवेक यादव, दीपक मण्डल, मिथुन झालगायतले रक्तदान गरेका थिए ।
