प्रस, सेढवा १३ फागुन/
‘स्वास्थ्यका लागि खेलकूद, राष्ट्रका लागि खेलकूद’ नारासहित जगरनाथपुर गाउँपालिकामा दोस्रो राष्ट्रपति रनिङ शिल्ड प्रतियोगिता आजदेखि शुरू भएको छ ।
गापाको आयोजनामा वडा नं ५ को मधुवाहाको खेल मैदानमा प्रतियोगिता शुरू भएको थियो । गापा अध्यक्ष श्रीकान्त यादवको अध्यक्षतामा भएको कार्यक्रममा वीरगंज महानगरपालिकाका उपप्रमुख इम्तियाज आलम, प्रमुख प्रशासकीय अधिकृत कृष्णनन्दन राय, शिक्षा संयोजक अशोक सिंह, वडाध्यक्षहरू तथा अन्य जनप्रतिनिधिहरूले शुभकामना मन्तव्य व्यक्त गरेका थिए ।
प्रतियोगितामा प्राथमिक, निम्न माध्यमिक तथा माध्यमिक तहका छात्रछात्राबीच हाइजम्प, लङ्गजम्प, दौड (१००, २०० र ४०० मिटर) र शटपुट खेलहरू खेलाइने छ । प्रतियोगिता मङ्गलवारसम्म हुने बताइएको छ ।
