प्रस, वीरगंज, १० फागुन/
कर्फ्यूको कारण स्थगित भएपछि बिहीवारदेखि पुनः सञ्चालनमा आएको प्रथम अल्पाइन क्रिकेट प्रतियोगिता २०८० अन्तर्गत आज सम्पन्न दुई खेलमा ग्लोबल बिजनेश र नेशनल इन्फोटेक कलेज विजयी भएका छन् ।
पहिलो खेलमा ग्लोबल बिजनेश कलेजले ओम नेशनल एकेडेमीलाई पराजित गरेको थियो । पहिला ब्याटिङ गरेको ओम नेशनलले १६ ओभर एक बलमा सबै विकेट गुमाएर ५१ रन मात्र बनाउन सक्यो । प्रतिउत्तरमा ग्लोबल बिजनेश कलेजले ७.४ ओभरमा एक विकेट नोक्सानीमा सो लक्ष्यलाई पूरा गरी जीत हासिल गरेको थियो । पाँ विकेट लिएका ग्लोबलका रोहणकुमार साह ‘म्यान अफ दी म्याच’ घोषित भए ।
यसैगरी, दोस्रो खेलमा नेशनल इन्फोटेक कलेजले मेरिगोल्डलाई १० विकेटले पराजित ग¥यो । टस जितेर ब्याटिङ गरेको मेरिगोल्डले १४.३ ओभरमा सबै विकेट गुमाएर ५६ रन बनाएको थियो । यो लक्ष्यलाई नेशनल इन्फोटेकले पाँच ओभरमा विना कुनै विकेट नोक्सानी पूरा ग-यो ।
दोस्रो खेलको ‘म्यान अफ दी म्याच’ अली मन्सुरी घोषित भए । उनले चार ओभरमा १९ रन दिएर तीन विकेट लिएका थिए ।
