प्रस, वीरगंज, २१ पुस/
लायन्स क्लब अफ सिमरा युथले वीरगंजमा सम्पन्न प्रथम अन्तरलायन्स फूटसल प्रतियोगिताको उपाधि जितेको छ । वीरगंजस्थित हाम्रो फूटसलमा आयोजित प्रतियोगिता अन्तर्गत शनिवार सम्पन्न फाइनल खेलमा लायन्स क्लब अफ कलैयालाई पराजित गर्दै सिमरा युथले उपाधि जितेको हो ।
सिमरा युथले कलैयालाई शून्यका विरुद्ध नौ गोलअन्तरले पराजित गरेको थियो । सिमराका लागि वर्ष २०२२/२३ का अध्यक्ष दिवाकर भण्डारी पाँच गोल गरेका थिए । यसैगरी, उमेश चौलागाईंले तीन र रमेश सुवेदीले एक/एक गोल गरेका थिए । विजेता तथा उपविजेता टीमलाई लायन्स इन्टरनेशनल डिस्ट्रिक्ट ३२५ एसका गभर्नर देवकीनन्दन अग्रवाल, सेक्रेटरी वासु तिमिल्सिनाले ट्रफी र प्रमाणपत्र वितरण गरेका थिए । अग्रवालले विजेता क्लब सिमरा युथका अध्यक्ष त्रिलोक विक्रम शाहलाई ट्रफी हस्तान्तरण गरेका थिए । लायन्स क्लब अफ वीरगंज परिवारले आयोजना गरेको प्रतियोगितामा बारा र पर्साका लायन्स क्लबहरूको सहभागिता थियो ।
