नयाँदिल्ली, १५ पुस/सिन्ह्वा
भारतको दक्षिणपश्चिमी राज्य महाराष्ट्रको एक कारखानामा शनिवार र आइतवारको मध्यरातमा आगलागी हुँदा कम्तीमा छजनाको मृत्यु हुनुका साथै अन्य नौजना घाइते भएका स्थानीय प्रहरीले जनाएको छ ।
राज्यको छत्रपति सम्भाजीनगर जिल्लामा रहेको ह्यान्ड ग्लोब्स उत्पादन गर्ने एक उद्योगमा आगलागी भएको हो ।
आगलागीको कारण खुल्न सकेको छैन । घटनाको विवरण दिनका लागि आफू आधिकारिक व्यक्ति नभएको जनाउँदै एक प्रहरी अधिकारीले भने, “हामीलाई करीब १ः१५ बजे फोन गरेर आगलागी भएको जानकारी आएको थियो । हामी आगो निभाउने उपकरणसहित घटनास्थलमा पुग्यौं । आगो निभाइएको छ । छजनाको शव फेला परेको छ ।”
“घटनाको पुष्टि गर्दै स्थानीय दमकल विभागका एक अधिकारीले भने, “घटनामा छजनाको मृत्यु भएको र नौजनालाई घाइते अवस्थामा स्थानीय अस्पतालमा भर्ना गरिएको छ ।”
घाइतेमध्ये केहीको अवस्था गम्भीर रहेकाले मृतकको सङ्ख्या बढ्न सक्ने उनले बताए । रासस
