दिनेश मिश्र, वीरगंज, ६ पुस/
पोखरिया नगरपालिका पोखरियामा जारी पाँचौं मेयरकप टी–२० क्रिकेटको फाइनलमा प्रवेश गरेको छ ।
पोखरिया नपाको सहयोगमा वडा नं ६ कार्यालयद्वारा शेरा खेलमैदानमा आयोजित मेयरकप टी–२० क्रिकेट प्रतियोगिता अन्तर्गत बिहीवार सम्पन्न पहिलो सेमिफाइनल खेलमा सखुवाप्रसौनी गापालाई पराजित गर्दै पोखरिया नपा फाइनलमा प्रवेश गरेको हो । टस जितेर सखुवाप्रसौनी गापाले निर्धारित २० ओभरको खेलमा १७.१ ओभरमा सबै विकेट गुमाएर ८९ रन जोडेको थियो । प्रतिउत्तरमा पोखरिया नपाले १५.२ ओभरमा आठ विकेट गुमाएर लक्ष्य पूरा गर्दै फाइनलको यात्रा सुरक्षित गरेको हो । २१ बलमा ४० रन बनाएका पोखरियाका नितेश चौधरी आजको खेलको ‘म्यान अफ दी म्याच’ घोषित भए । प्रतियोगिताको दोस्रो सेमिफाइनल खेल शनिवार कालिकामाई गापा र विन्ध्यवासिनी गापाबीच हुनेछ । भोलिको सेमिफाइनल खेलबाट फाइनलको यात्रा गर्ने टीम सोमवार पोखरिया नपासँग भिड्नेछ ।
