प्रस, वीरगंज, १६ मङ्सिर/
जिल्ला प्रहरी कार्यालय, पर्साले शनिवार दुईवटा गाउँपालिकाका तीन स्थानका गाँजाखेती नष्ट गरिएको जानकारी गराएको छ ।
जिप्रका, पर्साका सूचना अधिकारी प्रहरी नायब उपरीक्षक कुमार विक्रम थापाले ठोरी गापा–४ र ५ का विजयबस्ती, सुवर्णपुर र जीराभवानी गापाको महादेवपट्टि गरी तीन स्थानका साढे १५ कट्ठा जग्गामा रोपिएको गाँजाखेती नष्ट गरिएको बताए ।
विजयबस्तीमा ११ कट्ठा, सुवर्णपुरमा चार कट्ठा र जीराभवानीमा १० धुर जग्गामा लगाइएको गाँजाखेती नष्ट गरिएको उनले बताए ।
ठोरीमा प्रहरी चौकी सुवर्णपुर, प्रहरी चौकी विजयबस्ती र जीराभवानी गापामा
प्रहरी चौकी महादेवपट्टिको टोलीले गाँजाखेती नष्ट गरेको उनले जानकारी गराए ।
