बलिराम शुक्ल, बिरुवागुठी, २ कात्तिक/
पर्सागढी नगरपालिका–१ मा जारी खसियाही गढीमाई गोल्डकप फूटबल प्रतियोगिता अन्तर्गत बिहीवार भएको चौथो दिनको खेलमा वनशक्तिमाई युवा क्लब, सिद्धपुर विजय भएको छ ।
खसियाही गढीमाई युवा समितिद्वारा जारी खेलमा वनशक्तिमाई युवा क्लब, सिद्धपुरले डुमरवाना भेट्रान युथ क्लब, बारालाई शून्यका विरुद्ध दुई गोलअन्तरले पराजित गरेको हो । वनशक्तिमाई युवा क्लबका सञ्जीत उरावले दुई गोल गरेका थिए ।
भोलिदेखि क्वार्टरफाइनल चरणका खेल शुरू हुने र पहिलो क्वार्टरफाइनलमा बिरुवागुठी युथ क्लब बडनिहार र महावीर युथ क्लब सोलखपुरबीच हुने आयोजक कमिटीका अध्यक्ष मदन पटेलले बताए ।
