नरेश यादव, पर्सागढी, ३२ साउन/
पटेर्वासुगौली गाउँपालिका–५ निचुटामा मोटरसाइकल दुर्घटना हुँदा एकजना किशोरको घटनास्थलमा मृत्यु भएको छ ।
वीरगंज महानगरपालिका–१ छपकैया निवासी जयनाथ सिंहका १६ वर्षीय छोरा राहुल सिंह मामाघर पटेर्वासुगौली गापा– ५ निचुटा आएका थिए ।
आज बिहान उनले ना.१८प ४०२८ नम्बरको मोटरसाइकल चलाउने क्रममा अनियन्त्रित भई दुर्घटना हुँदा उनको घटनास्थलमैं मृत्यु भएको इलाका प्रहरी कार्यालय, पटेर्वासुगौलीका प्रहरी निरीक्षक रामराजा केशरीले बताए । सिंहको शव परीक्ष्Fणको लागि नारायणी अस्पताल, वीरगंजमा राखिएको प्रहरीले जनाएको छ ।
