मस्को, ९ असार/सिन्ह्वा
रूसको रोसाटोम स्टेट कर्पोरेशनका महानिर्देशक एलेक्सी लिखाचेभले रूसको कालिनिनग्रादमा अन्तर्राष्ट्रिय आणविक ऊर्जा एजेन्सी (आइएइए) का महानिर्देशक राफेल ग्रोसीसँग जापोरिज्जिया आणविक ऊर्जा केन्द्र वरपरको वर्तमान आणविक सुरक्षा अवस्थाबारे छलफल गरेका छन् ।
छलफलका क्रममा दुवै प्रतिनिधिहरूले संयुक्त राष्ट्रसङ्घ सुरक्षा परिषद्मा ग्रोसीले उठाएका मुद्दालाई सम्बोधन गरेका छन् ।
लिखाचेभले जोड दिंदै भने–“रूसी पक्षले आइएइए सचिवालयले केन्द्र वरपरको इलाकामा युक्रेनी सशस्त्र बलले आक्रमण रोक्न विशेष कदम चालेको आभास मिलेको छ ।”
उनले ग्रोसीलाई आणविक केन्द्रको सुरक्षित सञ्चालन सुनिश्चित गर्नका लागि हाल रूसी पक्षले चालेका विशेष उपायहरूबारे जानकारी गराएका थिए । विशेषगरी पानी आपूर्ति ‘युक्रेनी सशस्त्र सेनाले काखोभका हाइड्रोइलेक्ट्रिक पावर प्लान्टको बाँध नष्ट गरेपछि’ उत्पन्न सङ्कट लगायत विषयमा छलफल भएको रोसाटोमले बताएका छन् ।
वार्तामा दुवै पक्षले जून १५ मा ग्रोसीको प्लान्ट भ्रमणको नतीजाबारे पनि थप छलफल गरेका छन् । आफ्नो भ्रमणको क्रममा ग्रोसीले प्लान्टले सुरक्षित सञ्चालन गर्न सक्छ कि सक्दैन भन्ने विषय व्यावहारिकरूपमा प्रमाणित गर्न सक्षम भएको पनि छलफल गरिएको छ ।
