जिपी कोइराला प्रदेशस्तरीय फूटबल प्रतियोगिता, वीरगंज युथ एकेडेमी विजयी

प्रस, वीरगंज, १२ चैत/

स्व गिरिजाप्रसाद कोइरालाको १३औं स्मृति दिवसमा जिपी फाउन्डेशन मधेस प्रदेशले आयोजना गरेको प्रदेशस्तरीय फूटबल प्रतियोगिताको दोस्रो दिन वीरगंज युथ एकेडेमी विजयी भएको छ ।

आदर्शनगर रङ्गशालामा शनिवारदेखि जारी प्रतियोगिताको आज दोस्रो दिन आइतवार वीरगंज युथ एकेडेमी र गोर्खा युथ एकेडेमीबीच खेल भएको थियो ।

प्रतियोगितामा वीरगंज युथ एकेडेमीले एक गोल गरेर विजयी भएको प्रतिष्ठानका मनोहर साहले बताए ।

सोमवार बारा–११ र नवबुद्ध युवा क्लब, सप्तरीबीच खेल हुने उनले जानकारी गराएका छन् ।