दिनेश मिश्र, वीरगंज, २६ माघ/
पोखरिया नगरपालिका कार्यालयले नगरभित्रका ज्येष्ठ नागरिक र एकल महिलालाई सम्मान गरेको छ ।
नगरपालिकामा रहेका ७० जना ज्येष्ठ नागरिक, एकल महिलालाई नगरप्रमुख प्रद्युम्न चौहानले सम्मान गरेका थिए । उनले ज्येष्ठ नागरिक र एकल महिलालाई सम्मान गर्न पाउँदा गर्व महसूस गरेको बताए ।
यो सम्मान कार्यक्रम पोखरिया नगरपालिकाले निरन्तर सञ्चालन गर्ने उनले बताए ।
उपप्रमुख रूबि ठाकुरले एकल महिला र ज्येष्ठ नागरिकलाई परेको समस्या सम्बन्धमा न्यायिक समितिमा उजूरी दिन र त्यसको निरूपण सक्दो चाँडो गर्ने आश्वासन दिइन् ।
उनले यी मुद्दाहरू न्यायिक समितिमा आउँदा प्राथमिकतामा राखेर सक्दो चाँडो निरूपण गर्ने बताइन् ।
कार्यक्रम वडाध्यक्ष नौशाद आलमको अध्यक्षतामा भएको थियो भने एमाले नगर अध्यक्ष विन्ध्याचल ठाकुर, राजेश्वर रौनियार, सुनील साह, कौशल साह, रामवचन महतोलगायतको सहभागिता थियो ।
