बलिराम शुक्ला, बिरुवागुठी २० माघ/
पर्सागढी नगरपालिकाको मुख्य बजार पकडिया बडनिहार बजार क्षेत्रमा १० थान सिसि क्यामरा जडान गरिएको छ ।
पर्सागढी नगरपालिकाको सुरक्षात्मक योजना अन्तर्गत बजारका केही क्षेत्रमा १० थान सिसि क्यामरा जडान गरिएको हो ।
बजारमा बैक, वित्तीय संस्थाहरू रहेको तथा हाट बजारबाट मोटरसाइकल, साइकल, मोबाइल, गरगहनाहरू चोरी हुने गरेकोले सुरक्षाको दृष्टिकोणले सिसीटिभी क्यामराको मनिटर प्रहरी चौकी बडनिहारमा रहनेगरी दश स्थानमा सिसी क्यामरा जडान गरिएको नगर प्रमुख गोकर्ण पाठकले बताएका छन् ।
उनले नगरपालिकाको हाटबजार, चोकहरूमा क्रमैसँग सिसिटिभी क्यामरा विस्तार गर्दै लैजाने बताए ।
