प्रस, वीरगंज, ८ माघ/
२२औं सशस्त्र प्रहरी दिवसको अवसरमा आइतवार आयोजित रक्तदान कार्यक्रममा सातजना महिलासहित १०० जनाले रक्तदान गरेको रक्तसञ्चार केन्द्र, वीरगंजका प्राविधिक प्रमुख सौरभराज पाण्डेले बताएका छन् ।
सशस्त्र प्रहरी बल नेपाल १३ नं गण हेडक्वार्टर, वीरगंजले आयोजना गरेको कार्यक्रममा सन्तोष बस्नेत, सङ्गीता अधिकारी भट्टराई, बबिता पासवान, अमर खत्री, राजेश कुर्मी, मानबहादुर श्रेष्ठ, प्रकाश पाण्डे, शिवास्तन यादव, सतीशसिंह राजपूत, प्रेमचन्द्र साह, इन्द्रापुरी सर्राफ, राजेश पण्डित, सुनील थापालगायतले रक्तदान गरेको रक्तसञ्चार केन्द्र, वीरगंजका प्राविधिक डिल्लीमाया घिमिरेले बताइन् ।
रक्तदान कार्यक्रमको उद्घाटन प्रमुख जिल्ला अधिकारी उमेशकुमार ढकालले गरेका थिए ।
