प्रस, वीरगंज, ७ माघ/
रोटरी क्लब अफ वीरगंजको आयोजनामा शुक्रवार ह्वील चेयर कृत्रिम खुट्टा र कम्बल वितरण गरिएको छ ।
वीरगंज–४ भगवती राइस मिलस्थित रोटरी क्लब अफ वीरगंजको भवनमा आयोजित कार्यक्रमका प्रमुख अतिथि हरिनारायण काब्राले वडा नं. १७ निवासी मुन्नीकुमारी र मायाकुमारी तथा छिपहरमाई गापाका साजिद हुसैनका लागि तीन थान ह्वील चेयर हस्तान्तरण गरे ।
वडाध्यक्ष सञ्जु छतकुलीलाई ह्वील चेयर हस्तान्तरण गरिएको थियो । सो अवसरमा प्रमुख अतिथि काब्राले १७ थान ह्वील चेयर उपलब्ध गराउने घोषणा गरे ।
यसैगरी रक्सौलका कृतिकुमारलाई कृत्रिम हात–खुट्टा प्रदान गरिएको थियो । कार्यक्रममा रौतहटको गरुडा नपा–४ मा रहेको वंशीलाल जैसवाल अनाथालयका बालबालिकाहरूलाई कम्बल वितरण गरिएको थियो ।
रोटरी र रोट्र्याक्टको संयुक्त आयोजनामा वंशीलालका छोरा इ. शङ्कर जैसवाललाई कार्यक्रमका प्रमुख अतिथि काब्राले २५ थान कम्बल हस्तान्तरण गरेका थिए । कार्यक्रम रोटरी क्लब अफ वीरगंजका अध्यक्ष पियुषकुमार गुप्ताको अध्यक्षतामा भएको थियो भने डा आनन्दकुमार झालगायतको सहभागिता थियो ।
