प्रस, वीरगंज, ३० पुस/
बारा जिल्लाका दुई स्थानमा शनिवार सम्पन्न रक्तदान कार्यक्रममा नौजना महिलासहित ९५ जनाले रक्तदान गरेको रक्तसञ्चार केन्द्र, वीरगंजका प्राविधिक प्रमुख सौरभराज पाण्डेले बताए ।
थारू कल्याणकारिणी सभा, बाराले कोल्हवी बजारमा माघे सङ्क्रान्ति तथा थारू नयाँ वर्षको अवसरमा आयोजना गरेको रक्तदान कार्यक्रममा चारजना महिलासहित ३३ जनाले रक्तदान गरेका थिए ।
कार्यक्रममा प्रेमकुमारी चौधरी, मालतीदेवी मुखिया, अञ्जिताकुमारी चौधरी, भुवनकुमार चौधरी, प्रशान्त चौधरी, सुमन चौधरी, अभिषेक चौधरी, रामकुँवर चौधरीलगायतले रक्तदान गरेका थिए ।
यसैगरी, कोसेली युथ क्लब जीतपुरसिमरा उपमहानगरपालिका–२ ले सिमरामा आयोजना गरेको रक्तदान कार्यक्रममा पाँचजना महिलासहित ६२ जनाले रक्तदान गरेको रक्तसञ्चार केन्द्र, वीरगंजका प्राविधिक प्रमुख पाण्डेले बताए ।
कार्यक्रममा सुबोध खनाल, राजमणि बराल, कृष्ण लामा, झनक श्रेष्ठ, कुमार श्रेष्ठ, सुरेश राउत, विष्णु सापकोटा, श्यामबाबू रेग्मी, मनोज अधिकारी लगायतले रक्तदान गरेका थिए ।
