प्रस, रक्सौल, २८ पुस/
रक्सौलमा युगपुरुष स्वामी विवेकानन्दको जन्मजयन्ती मनाइएको छ ।
रक्सौल रेलवे स्टेशनस्थित पार्कमा आयोजित कार्यक्रमको रक्सौल नगरपरिषद्का मेयर धुरपति देवीले उद्घाटन गरेकी थिइन् ।
सो अवसरमा मेयर धुरपति देवीले स्वामी विवेकानन्दले देखाएको मार्गमा हिंड्न सबैलाई सुझाव दिइन् । उनले युवाहरूले स्वामी विवेकानन्दको पथमार्गमा हिंडेको खण्डमा विकास सम्भव हुने बताइन् ।
भारत विकास परिषद्ले आयोजना गरेको कार्यक्रमको अध्यक्ष्Fता परिषद्का अध्यक्षता डा राजेन्द्रप्रसाद सिंहले गरेका थिए ।
कार्यक्रममा उपमेयर पुष्पा देवी, सुरेश यादव, राकेश कुशवाहा, स्टेशन अधीक्षक अनिलकुमार सिंह, डिसिआई सञ्जय कुमार, वडाध्यक्ष अनुरागनी देवी, महेश अग्रवाल, डा एसके सिंहलगायतले स्वामी विवेकानन्दका बारेमा मन्तव्य व्यक्त गरेका थिए ।
