प्रस, पोखरिया, ३० असोज/
विन्ध्यवासिनी गाउँपालिकाकी उपाध्यक्ष ज्योति चौरसियाले आइतवार गापाबाट विभिन्न वडामा निर्मित विकास निर्माणका कामहरूको स्थलगत अवलोकन गरेकी छन् ।
गापाबाट ठेक्का र उपभोक्ता समितिमार्फत भइरहेका नाला निर्माण, छठघाट, स्कूल पर्खाल, सडक ढलानलगायतको स्थलगत अवलोकन गरेकी हुन् । प्रमुख प्रशासकीय अधिकृत राजु साह, लेखापाल मिथिलेश कुशवाहा, इन्जिनीयर विकाश कुमारसहितको टोलीको नेतृत्व गर्दै उपाध्यक्ष चौरसियाले विकास निर्माणका कामहरू तोकिएको मापदण्ड अनुसार भए/नभएको बारे अवलोकन गरेकी हुन् । उनले अवलोकनको क्रममा ठेकेदारलाई गुणस्तरीय काम गर्न र तोकिएको समयमा सम्पन्न गर्न निर्देशन दिएकी थिइन् । स्थानीयवासीलाई पनि गुणस्तरीय काम नभएको खण्डमा गुनासो गर्न आग्रह गरिन् । आफ्नो घरअगाडिको कामको निगरानी गर्न उनले स्थानीयलाई सुझाव दिइन् ।
इटियाही, झौवा, अमरपट्टि र गर्दौलमा निर्मित विकास निर्माण कामको आज उनले अवलोकन गरेकी हुन् ।
