प्रस, वीरगंज, ९ बैशाख/
नेकपा एमालेले वीरगंजमा प्रतिबद्धतापत्र सार्वजनिक गरेको छ ।
एमाले निर्वाचन परिचालन कार्यालय, वीरगंज महानगर–१२, मुर्ली बगैंचामा आयोजित कार्यक्रममा नगरप्रमुखका दाबेदार विजयकुमार सरावगीले १६ पृष्ठ लामो प्रतिबद्धतापत्र पढेर सुनाएका थिए । उनले चुनाव जितेको खण्डमा आफूले शिक्षा, स्वास्थ्य र भौतिक पूर्वाधारका विषयलाई प्राथमिकता दिने बताए ।
एमाले, पर्साका इन्चार्ज प्रभु हजराले यसपटकको स्थानीय चुनावमा मधेसवादी दलको सान घटाउने बताए । झूटो आश्वासन दिएर मधेसी जनताको आत्मसम्मानसँग खेलबाड गरेको कारण यसपटक मधेसी दलहरूको पत्तासाफ हुने बताए ।
एमालेका केन्द्रीय सदस्य अरविन्द सिंहको अध्यक्षतामा भएको कार्यक्रममा पर्सा अध्यक्ष जयप्रकाश थारू, विचारी यादव, बसरुद्दीन अन्सारी, शम्भु गुप्ता, बाबुराम कौशिकलगायतको सहभागिता थियो ।
