प्रस, वीरगंज, १७ चैत/
पोखरिया नगरपालिकाको नहरबाटो बिहीवार बिहान दुर्ईवटा मोटरसाइकल एकआपसमा ठोकिंदा दुर्ईजनाको मृत्यु भएको छ । मृत्यु हुनेमा धोबिनी गाउँपालिका–३ गुलरिया निवासी २५ वर्षीय ललनराउत कुर्मी र सखुवापरसौनी गापा एकडरवा निवासी २६ वर्षीय हसिन्दर सहनी रहेको इलाका प्रहरी कार्यालय पोखरियाका प्रहरी निरीक्षक दीपक थापाले जानकारी दिए ।
दुर्घटनामा तीनजना घाइते भएका छन् । घाइतेमध्ये रञ्जीत राउतको अवस्था गम्भीर रहेको थप उपचारको लागि वीरगंज बाहिर लगिएको प्रहरीले जनाएको छ । अन्य घाइते रोजद्दीन मियाँ र सुकेन राउतको नारायणी अस्पतालमा उपचार भइरहेको छ ।
ना. ३ प १०३६ र प्रदेश २–०३–००४ प ७४७६ नं.को मोटरसाइकल तीव्र गतिमा भएको कारण ठोकिएर दुर्घटना भएको प्रहरीले जनाएको छ ।
