अष्टयाम र लाखबत्ती

प्रस, वीरगंज, ९ माघ/
वीरगंज महानगरपालिका–१० घडीअर्वा पोखरीको दक्षिणतर्फ रहेको रामजानकी मन्दिरको प्राणप्रतिष्ठाको वर्षगाँठको अवसरमा बुधवार साँझ लाखबत्ती बालिएको छ । मन्दिरको वर्षगाँठको अवसरमा महानगरले २४ घण्टे अखण्ड अष्टयाम गर्दै आज साँझ लाखबत्ती बालेको हो ।

नगरप्रमुख राजेशमान सिंहले विधिपूर्वक पूजाअर्चना गरी लाखबत्ती बालेका थिए । सो अवसरमा वडाध्यक्ष सुशीलसाह कानूलगायतको सहभागिता थियो ।

वीरगंज महानगरपालिकाले सो मन्दिरलाई गत वर्ष पुनर्निर्माण गरी प्राणप्रतिष्ठा गराएको थियो ।