प्रस, वीरगंज, ८ माघ/
गौतम माविले ४८औं वार्षिकोत्सवको अवसरमा माघ १०–१५ गतेसम्म अन्तरविद्यालय बाल फूटबल प्रतियोगिता गर्ने जनाएको छ ।
गौतम माविका अध्यक्ष गणेश क्षत्रीको अध्यक्षतामा मङ्गलवार आयोजना गरिएको पत्रकार सम्मेलनमा जिल्ला प्रहरी कार्यालय, पर्साको खेलमैदानमा आयोजना हुने सो प्रतियोगितामा १५ वटा विद्यालय सहभागी हुने बताइएको छ ।
प्याब्सन वीरगंज महानगरपालिकाका अध्यक्ष राहुल श्रीवास्तवले प्रतियोगिता सफलताको शुभकामना दिंदै फागुनको पहिलो सातादेखि प्याब्सनले पनि अन्तरविद्यालय फूटबल प्रतियोगिता आयोजना गर्ने बताए ।
अन्तरविद्यालय बाल फूटबल प्रतियोगिताका विजेता तथा उपविजेता टीमले ट्रफी र प्रमाणपत्रलगायत पुरस्कारको व्यवस्था गरिएको पत्रकार सम्मेलनमा जानकारी गराइएको थियो ।
