प्रस, वीरगंज, २९ पुस/
आसमान नेपालको आयोजनामा आइतवार जीराभवानी गाउँपालिकाका पाँचवटै वडा र ठोरी गापाको गौतमनगरमा छात्राहरूलाई स्कूल ब्याग वितरण गरिएको छ ।
‘सिकाइलाई निरन्तर गरौं, बालिकालाई पछाडि नपारौं’ आसमान नेपालको कार्यक्रम अनुरूप जीराभवानी गापाको वडा नं १ देखि ५ सम्मका विद्यालय र ठोरी गापाको गौतमनगरमा रहेको विद्यालयका १४० जना छात्रालाई स्कूल ब्याग वितरण गरिएको आसमान नेपाल, पर्साका संयोजक धर्मेन्द्र चौरसियाले बताए । उनले विद्यालयमा अध्ययनरत परियोजना अन्तर्गतका छात्राहरूको पुस्तक, कापी, पेन सुरक्ष्Fित पार्नको लागि ब्याग वितरण गरिएको बताए ।
जीराभवानी गापाको नेरामावि कटकुइया वसन्तपुर, बितो महतो मावि, सेढवा मावि, नेपाल राष्ट्रिय आधारभूत विद्यालय शङ्करसरैया गरी पाँचवटा विद्यालयका १२९ जना र ठोरी गापाको नेरामावि गौतमनगर र ब्रह्मपुर आधारभूत विद्यालय ब्रह्मनगरका ११ जना छात्रालाई स्कूल ब्याग वितरण गरिएको संयोजक चौरसियाले बताए ।
