नेरेसो आदर्शनगरको नयाँ कार्यसमिति चयन

प्रस, वीरगंज, २६ पुस/
नेपाल रेडक्रस सोसाइटी आदर्शनगर उपशाखाको शुक्रवार सम्पन्न ४१औं अधिवेशनले सन्तोषकुमार गुप्ताको अध्यक्षतामा नयाँ कार्यसमिति चयन गरेको छ ।

नयाँ कार्यसमितिमा महिला उपसभापति डौली दुबे, कोषाध्यक्ष परमान्द साह कानू, महिला सदस्य शोभा देवीलगायत सदस्यहरू निर्विरोध चयन भएका छन् । कार्यक्रममा वीरगंज महानगरपालिका–१० का अध्यक्ष सुशील साह कानू, नेरेसो पर्साका सदस्य विनोद गिरी, पूर्ववडाध्यक्ष रामनगिना साह कानू, नेरेसो रेशमकोठी उपशाखाका अभिलाष गुप्तालगायतको सहभागिता थियो ।