सेनाद्वारा विपन्न वर्गलाई कम्बल सहयोग

प्रस, पोखरिया, २५ पुस/
श्री जङ्ग गण श्रीपुरले बिहीवार पोखरियामा कम्बल वितरण गरेको छ । शीतलहरबाट प्रभावित विपन्न स्थानीयलाई कम्बल वितरण गरिएको हो ।

विपद् व्यवस्थापन समिति पर्साको निर्णय अनुसार आज पोखरिया नगरपालिकाको वडा नं ४ र ७ मा २०० थान कम्बल वितरण गरिएको हो । वडा नं ७ को गोविन्दपुरमा १३५ र वडा नं ४ को पोखरियामा ६५ थान कम्बल वितरण गरिएको थियो ।

कार्यक्रममा श्री जङ्ग गणका सेनानी देवबहादुर बोहरा, वडाध्यक्ष लक्ष्मण साह कानू, परमानन्द कुर्मीलगायतको सहभागिता थियो ।