प्रस, वीरगंज, २० पुस/
वीरगंज महानगर–११ स्थित माउन्ट एडमन्ड माविको ४१औं वार्षिकोत्सव शनिवार सम्पन्न भएको छ ।
विद्यालयका प्रबन्ध निर्देशक फजिल मियाँको अध्यक्षतामा भएको कार्यक्रमको मधेस प्रदेशका कृषि, भूमि तथा सहकारी मन्त्री जर्नादन सिंह क्षत्रीले उद्घाटन गरेका थिए ।
कार्यक्रममा पशुपतिविक्रम शाह, उषा शाह, मधु राणा, शत्रुघ्न यादव, दिलीप सिंह, पन्तकुमार साह, नेरेसो मधेस प्रदेशका अध्यक्ष फूलमहमद मियाँ, जुमाद्दीन शेख हवारी, शिक्षक राजेश पाण्डे, प्याब्सन पर्साका अध्यक्ष पुरन प्रधान, नेपाल पत्रकार महासङ्घ पर्साका सचिव विजय चौहान, बद्री केसी, जौवाद हुसेन, जीतेन्द्रपुरुष ढकाललगायतले विद्यालयले पर्सा जिल्लामा शैक्षिक तथा सामाजिक क्षेत्रमा उत्कृष्ट भूमिका निर्वाह गरेको भन्दै शुभकामना व्यक्त गरेका थिए ।
कार्यक्रममा स्वागत प्रअ रमेश कुशवाहा र सहजीकरण एन्जिला धिताल र रिजा श्रेष्ठले गरेका थिए । वार्षिकोत्सवको अवसरमा क्रिकेट, फूटबल खेललगायत सांस्कृतिक कार्यक्रमहरूमा उत्कृष्ट हुने विद्यार्थीहरूलाई पुरस्कृत गरिएको थियो ।
